Fota ź viciebskaha parku apublikavaŭ TUT.BY.
Tak ciapier vyhladaje častka parku Partyzanskaj słavy, jakaja raniej znachodziłasia za aharodžaj. Fota: Ihar Maćviejeŭ.
Fota: Ihar Maćviejeŭ.
Demantaž adbyvaŭsia ciaham dvuch dzion: u čaćvier pačali, a ŭ piatnicu prybrali karkas i apory.
Ideja archijepiskapa Viciebskaha i Aršanskaha Dzimitryja pabudavać u Viciebsku kopiju połackaha Safijskaha sabora pa ŭzory XI st. vyklikała nieadnaznačnuju reakcyju siarod haradžan. Pavodle prajektu, na terytoryi, adviedzienaj pad budaŭnictva chrama i raźmiaščeńnie aŭtastajanki, chacieli śpiłavać 206 dreŭ.
Vyhlad Safijskaha sabora pavodle prajektu
Supraćstajańnie hramadskaści i arhanizataraŭ budaŭnictva sabora praciahvałasia sa studzienia 2015 hoda. Ludzi taksama adznačali, što ŭ hetym rajonie horada i tak stajać try pravasłaŭnyja chramy, pry hetym u Viciebsku chapaje daŭhabudaŭ.
Žychary horada pisali zvarot da Alaksandra Łukašenki, a taksama pietycyju da mitrapalita Paŭła. Praciŭniki budaŭnictva źbiralisia vosieńniu kožny paniadziełak u parku, kab kaardynavać svaje dalejšyja dziejańni i sačyć, ci nie pačałasia budoŭla.
Častka parku raniej była za aharodžaj.
Na miescy płanujemaha budaŭnictva pabyvaŭ staršynia abłvykankama Mikałaj Šarstnioŭ. U vyniku harvykankam prypyniŭ pracy na abjekcie i rekamiendavaŭ jeparchii adkarektavać prajekt budaŭnictva. U pryvatnaści, jeparchii prapanavali pamienšyć płošču nižniaha chrama da płoščy vierchniaha, admovicca ad aŭtastajanak, pieranieści zabudovu bližej da Dźviny i h.d. Heta dazvolić źvieści kolkaść vysiakać drevy da minimumu.
Staršynia Viciebskaha abłvykankama: Na budaŭnictva Safijskaha sabora niama hrošaj
