Vučanica 8-aha kłasa novasibirskaj himnazii №17 raźmiaściła ŭ instahramie fota svajho nastaŭnika pa matematycy Maryi Truškinaj z kamientarom: «Je… (durnica) ź viosački. Spadziajusia, chutka jana pakinie mianie».
Nastaŭnica razdrukavała skrynšot staronki z abrazami i adniesła jaho dyrektaru himnazii. Baćkoŭ dziaŭčynki vyklikali ŭ škołu, ale jany nibyta zajavili, što ŭ situacyi vinavaty piedahoh.
«Dzicia razam z baćkami vyklikali da dyrektara. Tata skazaŭ - značyć, takaja nastaŭnica, što dzicia piša takija rečy, potym jon naohuł prapanavaŭ zamiać hetuju spravu. Navat prabačeńni jany ŭ mianie nie paprasili», — kaža Truškina.
Paśla incydentu vučanicu pieraviali ŭ paralelny kłas i pastavili na ŭlik ŭ sacyjalnaha piedahoha. Truškina paličyła takoje pakarańnie niedastatkovym i napisała zajavu na zvalnieńnie.
«Atrymlivajecca, što z boku administracyi nijakaj abarony nastaŭnikaŭ niama. I adpaviedna, mnie ciapier čakać nastupnaha padobnaha vypadu? Mianie nichto nie padtrymaŭ, ja rablu vysnovu, što ničoha nie značu tut, chacia ŭžo pracuju treci hod», — raskazvaje piedahoh.
Baćki vučanicy zajavili, što pierad nastaŭnicaj jany paprasili prabačeńnia, a ŭčynak dački patłumačyli pravakacyjaj z boku nastaŭnicy.
