Baćka patryjarcha RPC Kiryła, śviatar Michaił, chryściŭ maleńkaha Uładzimira Pucina ŭ 1952 hodzie. Pra heta sam prezident RF raspavioŭ u filmie «Patryjarch», jaki vyjšaŭ u efiry telekanała «Rasija-1» u honar 70-hodździa patryjarcha.
zampolt.com
«Kali mianie chryścili, heta było ŭ kancy 1952 hoda, mnie mama raskazvała, jak heta było. Chryścili mianie ŭpotaj ad baćki, jon byŭ členam KPSS. Nie viedaju, nakolki hetaja tajamnica była sapraŭdy surjoznaj, ale tak, va ŭsiakim razie, mnie kazali, kali ja ŭžo padros, — raspavioŭ Pucin, paviedamlaje «Interfaks». Pa słovach prezidenta, jaho chryścili ŭ Praabraženskim sabory Leninhrada.
«Baciuška, jaki tady tam słužyŭ, prapanavaŭ nazvać jaje syna, heta značyć mianie, Michaiłam. Jon kaža: siońnia dzień Michaiła, dzień anioła, i ja, kaža, Michaił. Mama vybačyłasia, kaža: baciuška, prabačcie, my ŭžo nazvali ŭ honar baćki. Jon kaža: nu dobra. Taki dobry, spakojny baciuška», — raspavioŭ Pucin.
Pavodle jaho słoŭ, niejki čas tamu jon spytaŭ u patryjarcha Kiryła, jak toj pryjšoŭ u carkvu, i patryjarch raspavioŭ, što jaho baćka byŭ śviatarom. Patryjarch raspavioŭ Pucinu, što baćka ciapierašniaha pradstajaciela RPC słužyŭ u Praabraženskim sabory ŭ Sankt-Pieciarburhu ŭ piacidziesiatyja hady i zvali jaho Michaiłam. Prezident udakładniŭ, ci słužyŭ u chramie ŭ hety pieryjad jašče jaki-niebudź Michaił, — akazałasia, što nie.
«Ja jamu kažu: vy viedajecie što, vidać, vaš baćka mianie chryściŭ», — raspavioŭ Pucin.
U bijahrafii patryjarcha Kiryła ŭ «Vikipiedyi» skazana, što jaho baćka Michaił Hundziajeŭ z 1951 hoda sapraŭdy źjaŭlaŭsia pamočnikam nastajaciela Spasa-Praabraženskaha sabora ŭ Leninhradzie.
