Papa Francišak u Apostalskim liście «Misericordia et misera», apublikavanym i pradstaŭlenym ŭ Vatykanie 21 listapada z nahody zakančeńnia Nadzvyčajnaha Jubilejnaha Hodu Miłasernaści, dazvoliŭ usim śviataram adpuskać hrech abortu.
Getty
Pantyfik spasłaŭsia na jevanhielskaje apaviadańnie pra sustreču Jezusa z čužałožnicaj, asudžanaj na kamienavańnie. «Nie isnuje zakonu ci pryčyny, zdolnaj pieraškodzić Bohu abniać svajho syna, jakija viartajecca da Jaho, pryznaŭšy, što pamyliŭsia, i z rašučaj hatoŭnaściu pačać z čystaha lista. Spyniacca tolki na zakonie — značyć, rabić bieskarysnaj vieru i Božuju miłasernaść. Navat u samych składanych vypadkach, dzie isnuje spakusa pastavić na pieršaje miesca spraviadlivaść, jakaja hruntujecca vyklučna na normach, treba vieryć u siłu, što pachodzić ad Božaj łaski», — tłumačyć svajo rašeńnie Papa Francišak, paviedamlaje Krynica.info sa spasyłkaj na Vatykanskaje Radyjo.
Śviaty Ajciec pierakanany, što nichto «nie moža stavić umovaŭ dla miłasernaści»: «My nie možam supraćstajać poŭnaj svabodzie lubovi, ź jakoj Boh uvachodzić u žyćcio kožnaha čałavieka».
Raniej adpuščeńnie hrachu abortu znachodziłasia ŭ kampietencyi biskupaŭ ci śpiecyjalna ŭpaŭnavažanych imi śviataroŭ.
Papa Francišak padkreśliŭ, što «abort — heta ciažki hrech, bo kładzie kaniec niavinnamu žyćciu», ale «nie isnuje takoha hrachu, jakoha Božaja miłasernaść nie moža dasiahnuć i źniščyć, kali znachodzić serca, jakoje kajecca i prosić ab prymireńni ź Niabiesnym Ajcom».
Taksama Papa Francišak pakinuŭ pravamocnym rasparadžeńnie adnosna viernikaŭ, jakija pa roznych pryčynach vybirajuć kaścioły, dzie słužać śviatary z Bractva śviatoha Pija Ch — «lefieŭrysty».
Pantyfik pastanaviŭ, što vierniki, jakija prystupajuć da sakramentu pakajańnia ŭ śviataroŭ hetaj supolnaści, mohuć i nadalej atrymlivać sapraŭdnaje i hodnaje adpuščeńnie hrachoŭ.
Taksama Papa Francišak abviaściŭ ab ustanaŭleńni Suśvietnaha dnia biednych, jaki budzie adznačacca kožnuju CHCHCHIII Zvyčajnuju niadzielu liturhičnaha hoda ŭ jakaści padtrychtoŭki da ŭračystaści Chrysta Vaładara Suśvietu.
Naprykancy Apostalskaha lista Francišak zaklikaŭ «vyzvalić miesca dla miłasernaj fantazii», jakaja praz prastatu maleńkich štodzionnych žestaŭ, moža «dać pačatak sapraŭdnaj kulturnaj revalucyi» va ŭsim śviecie.
