Nacyjanalnaja avijakampanija Abjadnanych Arabskich Emirataŭ Etihad Airways spynić vykanańnie rejsaŭ Abu-Dabi — Minsk — Abu-Dabi pačynajučy z 24 sakavika 2017 hoda, paviedamili ŭ minskim ofisie avijakampanii.
Maršrut Abu-Dabi — Minsk byŭ adkryty avijakampanijaj ŭ žniŭni 2008 hoda z častatoj try rejsy na tydzień. U 2013 hodzie častata vykanańnia rejsaŭ była pavialičanaja da štodzionnaj.
«Z 17 studzienia 2017 hoda rejsy buduć vykonvacca try razy na tydzień — pa aŭtorkach, čaćviarhach i niadzielach, a z 24 sakavika rejs zakryvajecca», — udakładnili pradstaŭniki Etihad Airways.
«Biahučaja ekanamičnaja situacyja akazała niehatyŭny ŭpłyŭ na abjom dachodaŭ, jaki apuściŭsia nižej za dapuščalny ŭzrovień. Vuzkafiuzielažny samalot, jaki vykonvaje rejsy ŭ Minsk ciapier, budzie zadziejničany na inšych kirunkach maršrutnaj sietki avijakampanii», — havorycca ŭ aficyjnym kamientary Etihad Airways.
Etihad Airways prapanuje klijentam z aformlenymi avijabiletami na vylety paśla 24 sakavika 2017 hoda varyjanty pa viartańni avijabiletaŭ albo zručnyja stykovačnyja maršruty z/u Minsk na rejsach avijakampanij-partnioraŭ.