«Adpaviednyja paviedamleńni ŭ «Transnaftu» nakiravali «Homieltransnafta Družba» i «Połacktransnafta Družba», — cytujuć TASS i Hazieta.RU słovy krynicy.
Aficyjny pradstaŭnik «Transnafty» Ihar Dziemin paćvierdziŭ TASS najaŭnaść takoha paviedamleńnia i adznačyŭ, što kampanija pakul nie bačyć abhruntavanaści takoha pavyšeńnia.
U 2016 hodzie pamiž Biełaruśsiu i Rasijaj razhareŭsia naftahazavy kanflikt. U suviazi z zapazyčanaściu Biełarusi pierad Rasijaj za pastaŭki hazu ŭ pamiery 300 młn dalaraŭ, RF pryniała rašeńnie ab skaračeńni pastavak nafty ŭ Biełaruś u druhim paŭhodździ na 5,25 młn ton, što ŭžo abyšłosia Biełarusi ŭ 0,3% VUP. U adkaz na heta Biełaruś pryniała rašeńnie ab pavyšeńni taryfaŭ na tranzit nafty pa mahistralnych trubapravodach na 50%. Adpaviednaja pastanova Ministerstva antymanapolnaha rehulavańnia i handlu pavinna było ŭstupić u siłu ad 11 kastryčnika 2016 hoda, infarmuje TUT.BY.
Adnak rašeńnie było admieniena ŭ abmien na adnaŭleńnie abjomaŭ pastavak nafty z RF. Biełaruś taksama abaviazałasia pahasić zapazyčanaść pa płaciažach za rasijski haz, ahulnaja suma jakoj pieravyšaje $300 młn.
