Palicy dla bukkrosinhu. Fota velcom
Zhodna z praviłami bukkrosinhu, uziać adnu z prapanavanych arhanizatarami knih, kab pračytać i skłaści svajo mierkavańnie pra sučasnuju biełaruskuju litaraturu, moža chto zaŭhodna. Pračytanyja knihi paśla treba viarnuć u MOVABOX, kab ź imi mahli paznajomicca i inšyja čytačy. Taksama luby moža pakinuć na śpiecyjalnych palicach ułasnyja knihi biełaruskich piśmieńnikaŭ.
Pieršymi svajo miesca na palicach dla bukkrosinhu zaniali knihi Ludmiły Rubleŭskaj z cykła ab pryhodach Pranciša Vyrviča — «Avantury studyjozusa Vyrviča» i «Avantury drahuna Pranciša Vyrviča». Mienavita tvoram hetaj piśmieńnicy pryśviečany pieršy MOVABOX — unikalny nabor, u jaki ŭvachodziać kniha i źviazanyja ź joj artefakty. Atrymać jaho zmohuć 20 ščaśliŭčykaŭ, jakija projduć adpaviedny test na sajcie prajekta movabox.by.
Prajekt MOVABOX robić akcent na tvorčaść pradstaŭnikoŭ sučasnaj biełaruskaj litaratury. Tamu na palicach bukkrosinhu taksama jość takija knihi, jak raman Juryja Stankieviča «Paŭnočny viecier dla śpiełych pładoŭ», zbornik litaraturnych ese Andreja Fiedarenki «Siečka», kalekcyja litaraturnych zamalovak ad Adama Hłobusa pad nazvaj «Partrety».
Dla tych, chto choča palepšyć svoj uzrovień vałodańnia biełaruskaj movaj ci ŭziacca za jaje vyvučeńnie ad samaha pačatku, arhanizatary dadali ŭ śpis knih padručnik «Mova Nanova: 20 krokaŭ da biełaruskaj movy».
