Słužba biaśpieki Ukrainy raspačała kryminalnuju spravu na rasijskaha akciora Ivana Achłabyścina. Jak raspaviała pradstaŭnik viedamstva Alena Hitlanskaja, Achłabyścina padazrajuć u stvareńni terarystyčnaj hrupy.
Padstavaj dla zaviadzieńnia spravy stała atrymańnie Achłabyścinym pašparta hramadzianina samaabvieščanaj Danieckaj narodnaj respubliki.
Pa častcy 1 artykuła 258-3 Kryminalnaha kodeksa Ukrainy akcioru pahražaje ad 8 da 15 hadoŭ pazbaŭleńnia voli.
30 listapada Achłabyścin atrymaŭ pašpart DNR z ruk kiraŭnika respubliki Alaksandra Zacharčanki. «Z majho boku heta akt padtrymki tych ludziej, jakija ŭ Daniecku adstojvajuć svajo prava razmaŭlać na rodnaj movie, žyć na svajoj ziamli pa tych maralnych kanonach, jakija jany ličać dla siabie prymalnymi», — zajaviŭ akcior.
Paśla hetaha daradca kiraŭnika MUS Ukrainy Anton Hieraščanka zaklikaŭ ZŠA, Jeŭrasajuz, Izrail i Japoniju ŭvieści sankcyi suprać Achłabyścina. Ujezd va Ukrainu akcioru zabaronieny ź vieraśnia 2014 hoda, u krainie taksama zabaronienyja filmy i telepieradačy ź jaho ŭdziełam. Achłabyścinu taksama zabaronieny ŭjezd u Łatviju.
