Fiederalnaja mytnaja słužba padtrymlivaje prapanovy pastupova źnizić paroh biaspošlinnaha internet-handlu. Pra heta ŭ intervju «Rasijskaj haziecie» raspavioŭ namieśnik kiraŭnika Fiederalnaj mytnaj słužby (FMS) Rusłan Davydaŭ.
Adna z prapanoŭ — pryniać praktyku, blizkuju da jeŭrapiejskaj, ale paetapna: u pieršy hod častkova źnizić biaspošlinny paroh, na nastupny hod — skaracić jašče, paviedamiŭ jon.
Paźniej u paniadziełak «Interfaks» pieradaŭ, što paroh biaspošlinnych pakupak u zamiežnych internet-kramach u bližejšyja dva hady budzie źnižany ŭ 5 razoŭ — z 1000 da 200 jeŭra. Adpaviednaje pałažeńnie zakładzienaje ŭ prajekt mytnaha kodeksa Jeŭrazijskaha ekanamičnaha sajuza, u jaki, akramia Rasii, uvachodziać Armienija, Biełaruś, Kazachstan i Kyrhyzstan.
«U Rasii isnuje biesprecedentna vysoki paroh biaspošlinnaj pierasyłki tavaraŭ u mižnarodnych paštovych adpraŭleńniach u adras fizičnych asob (1 tys. jeŭra za adpraŭleńni vahoj da 21 kh u miesiac), što nie tolki pryvodzić da strat dla biudžetu, ale i stymuluje raźvićcio zamiežnych vytvorčaściaŭ naŭzamien ajčynnych», — rastłumačyŭ Davydaŭ.
U Jeŭropie asnoŭny abjom internet-handlu idzie tavarami Jeŭrasajuza, to bok ułasnaj vytvorčaści, tamu dla ich nie ŭžyvajecca mytnaje rehulavańnie.
«U Rasii razovy rost vyklikany transhraničnym anłajn-handlem ź pierasiačeńniem mytnaj miažy. Jaho maštaby za piać hadoŭ u našaj krainie vyraśli ŭ razy. Kali ŭ 2011 hodzie Rasija atrymała 22 miljona pasyłak z tavarami dla asabistaha karystańnia, to pa vynikach hetaha hoda my atrymajem bolš za 200 miljonaŭ mižnarodnych adpraŭleńniaŭ», — rastłumačyŭ Davydaŭ.
U ES dla fizičnych asob ustanoŭlenyja biaspošlinny limit u 22 jeŭra, u Kanadzie — u 15 dalaraŭ. Kali kuplena tavaraŭ bolš, čym na 22 jeŭra, to spahaniajecca padatak na dadanuju vartaść (PDV), kali tavaraŭ na sumu zvyš 150 jeŭra, to da PDV dadajecca pošlina.
Pytańnie vyraŭnoŭvańnia rehulavańnia dla tavaraŭ internet-handlu razhladajecca ŭ ramkach ŭzhadnieńnia Mytnaha kodeksa Jeŭrazijskaha ekanamičnaha sajuza. «Adna z prapanoŭ — pryniać praktyku, blizkuju da jeŭrapiejskaj, ale paetapna: u pieršy hod častkova źnizić biaspošlinny paroh, na nastupny hod — skaracić jašče», — rastłumačyŭ Davydaŭ.
Kamientujučy ŭviadzieńnie ŭ Biełarusi normy, anałahičnaj jeŭrapiejskaj, — 22 jeŭra i nie bolš za 10 kiłahramaŭ u miesiac, — Davydaŭ skazaŭ, što patok paštovych adpraŭleńniaŭ upaŭ udvaja, ale mytnyja zbory vyraśli ŭ siem razoŭ. Heta, pa jaho słovach, «jašče adna nahoda zadumacca».
U 2015 hodzie Jeŭrazijskaja ekanamičnaja kamisija (JEEK) razhladała prapanovu pa źnižeńni paroha biaspošlinnaha koštu — da 150 jeŭra — i vahi pasyłak — da 10 kh.
Dla bolš tannych pasyłak źbiralisia ŭvieści fiksavany zbor u 25 jeŭra. Razhladalisia i inšyja varyjanty. Adnak suprać zboraŭ vystupiŭ Kazachstan, dzie tak ža, jak i ŭ Rasii, dziejničaje paroh u 1 tys. jeŭra.
U FMS paźniej paabiacali, što Rasija zmoža vyrašyć prablemu i sama, kali pieramovy z Kazachstanam zojduć u tupik.
