Viečaram 2 śniežnia ŭ Smarhoni 48-hadovaja žančyna paviedamiła ŭ chutkuju dapamohu pra toje, što jaje 49-hadovy muž doma straciŭ prytomnaść. Miedycynskija rabotniki, jaki prybyli na miesca zdareńnia, kanstatavali śmierć mužčyny.
sk.gov.by
U chodzie praviadzieńnia sudova-miedycynskaj ekśpiertyzy śpiecyjalisty ŭpraŭleńnia Dziaržkamiteta sudovych ekśpiertyz pa Hrodzienskaj vobłaści vyśvietlili, što ŭ pamierłaha jość množnyja pierałomy rebraŭ i hrudziny z paškodžańniem unutranych orhanaŭ, zakrytaja čerapna-mazhavaja traŭma, a taksama inšyja cialesnyja paškodžańni, paviedamlaje pres-słužba Śledčaha kamiteta.
Heta śviedčyła pra hvałtoŭny charaktar śmierci, što razam ź inšymi źviestkami, atrymanymi ŭ chodzie ahladu miesca zdareńnia, praviadzieńnia inšych śledčych dziejańniaŭ i apieratyŭna-vyšukovych mierapryjemstvaŭ dało padstavy dla zaviadzieńnia ŭpraŭleńniem Śledčaha kamiteta pa Hrodzienskaj vobłaści kryminalnaj spravy pa fakcie zabojstva (p.1 art.139).
U chodzie dalejšaj sumiesnaj pracy śledčych i apieratyŭnych supracoŭnikaŭ milicyi padazreńni ŭ ździajśnieńni złačynstva ŭpali na žonku zabitaha mužčyny. Ustanoŭlena, što daviedaŭšysia pra namier muža, jaki pracavaŭ vachtavym mietadam, syści ź siamji, žančyna zabrała ŭ jaho pašpart, nie vypuskała z doma, užyvała fizičny hvałt.
Abstaviny apošniaj svarki pamiž mužam i žonkaj vyśviatlajucca. U hetych metach śledčyja i supracoŭniki milicyi dapytvajuć susiedziaŭ, a taksama inšych asob, jakija vałodajuć važnaj infarmacyjaj.
U dačynieńni da padazravanaj, jakaja źjaŭlajecca indyvidualnym pradprymalnikam, prymieniena miera strymańnia ŭ vyhladzie zaklučeńnia pad vartu. Raniej muž i žonka da kryminalnaj adkaznaści nie pryciahvalisia. Rasśledavańnie praciahvajecca
