Siońnia ŭ Babrujsku adbyłosia abvalvańnie čatyroch budavanych haražoŭ u PHSK «Aptymalny», raźmieščanym na vulicy Šynnaj, paviedamili BiełTA ŭ Mahiloŭskim abłasnym upraŭleńni MNS.
Fota Mahiloŭskaha abłasnoha ŭpraŭleńnia MNS
Paviedamleńnie pra incydent pastupiła ŭ Centr apieratyŭnaha ŭpraŭleńnia Babrujskaha HRANS u 15.00. «U chodzie razboru vyjaŭlena, što pry mantažy plity pierakryćcia adnaho z haražoŭ kranam, uładalnik jakoha vyśviatlajecca, u vyniku ŭdaru plity pierakryćcia ab ścianu, adbyłosia abvalvańnie apornych kanstrukcyj i plit pierakryćcia čatyroch niedabudavanych pryvatnych haražoŭ», — prainfarmavali ŭ viedamstvie.
Haražy byli adnapaviarchovymi budynkami sa ścienami z hazasilikatnych błokaŭ, abkładzienymi cehłaj. Mierkavanaja pryčyna abvalvańnia — miechaničnaje ŭździejańnie na kanstrukcyi pry mantažy plit pierakryćcia.
Paciarpiełych u incydencie niama. Razhlad pa fakcie zdareńnia pravodzić Babrujski mižrajonny adździeł Śledčaha kamiteta.