U budučyni mohuć być znojdzienyja ŭzory burštynu, jakija ŭtrymlivajuć inšyja miakkija častki dynazaŭraŭ.
Navukoŭcy z Kitajskaha hieałahičnaha ŭniviersiteta ŭ Piekinie vyjavili pakryty pierjem chvost nievialikaha dynazaŭra ŭ burštynie.
Navukoviec Lida Sin (Lida Xing) znajšła vykapień na rynku ŭ Mjanmie. Handlary ličyli, što ŭ kavałku burštynu znachodziacca frahmienty niejkaj raśliny. Adnak paleantołahi vyśvietlili, što heta byŭ chvost, jaki składajecca z vaśmi pazvankoŭ i pakryty dobra zachavanymi pierjem. Jany vyśvietlili, što pareštki naležali nia staražytnaj ptušcy, a drobnamu drapiežnamu dynazaŭru, jaki žyŭ 99 miljonaŭ hadoŭ tamu.
Vyjaŭleny chvost dynazaŭra. Fota: R.C. McKellar / Royal Saskatchewan Museum
Vierchni bok chvasta, jak pakazali daśledavańni, afarbavany ŭ kaštanavy koler, a nižni — u bieły. Akramia taho, u pioraŭ adsutničaje rachis (centralny stryžań), charakterny dla sučasnych vidaŭ ptušak, zatoje majucca barodki i barodački (bolš drobnyja adhalinavańni), jakija farmujuć naplečniki.
Na dumku navukoŭcaŭ, u budučyni mohuć być znojdzienyja ŭzory burštynu, jakija ŭtrymlivajuć inšyja miakkija častki dynazaŭraŭ.
