Raniej premjer-ministr Turcyi Binali Jyłdyrym zajaviŭ, što za ataku «amal biez sumnievu» adkaznaja Rabočaja partyja Kurdystana, ź jakoj, jak ličycca, źviazanyja «Jastraby vyzvaleńnia Kurdystana», pieradaje Reuters.
Pa słovach kiraŭnika MUS Turcyi Sulejmana Sojłu, pa spravie ab terakcie zatrymanyja 13 čałaviek.
Uviečary 10 śniežnia ŭ Stambule kala stadyjona kamandy «Biešyktaš» paśla matču adbylisia dva vybuchi. U vyniku zahinuli 38 čałaviek i 155 paciarpieli. Bolšaja častka paciarpiełych — supracoŭniki palicyi, jakija dziažuryli kala stadyjona.
Hrupoŭka «Jastraby vyzvaleńnia Kurdystana» dziejničaje z 2004 hoda. Arhanizacyja ličycca źviazanaj z Rabočaj partyjaj Kurdystana, jakuju ŭłady Turcyi nazyvajuć terarystyčnaj. Sami arhanizacyi śćviardžajuć, što razarvali adnosiny.