Dvoje dziaciej vyratavanyja pry pažary ŭ žyłym domie ŭ Breście, paviedamili ŭ pres-słužbie abłasnoha ŭpraŭleńnia MNS.
Fota MNS
Paviedamleńnie pra pažar u adnapaviarchovym dvuchkvaternym domie pa vuł. Śmirnova vyratavalnikam pastupiła 17 śniežnia ŭ 13.08. Kali pieršyja padraździaleńni MNS prybyli da miesca vykliku, z akna kvatery išoŭ dym. Trahiedyi ŭdałosia paźbiehnuć dziakujučy susiedcy. Da prybyćcia ratavalnikaŭ praz akno, jakoje adkryŭ znutry starejšy chłopčyk, jana dapamahła vybracca na vulicu dvum chłopčykam 2008-ha i 2014-ha hadoŭ naradžeńnia.
U kvatery, dzie adbyŭsia pažar, na momant jaho ŭźniknieńnia darosłych nie było: baćka chłopčykaŭ pajšoŭ u kramu za pakupkami, maci była ŭ susiedziaŭ. Kali adbyłosia ŭzharańnie, starejšy adkryŭ akno i staŭ klikać na dapamohu.
U ličanyja chviliny ratavalniki likvidavali pažar. Ahniom paškodžanaje ŭnutranaje azdableńnie vannaha pakoja, pralnaja mašyna, paškodžanaje pierakryćcie na płoščy 1 kv. m. Pryčyna pažaru vyśviatlajecca. Najbolš imaviernaj viersijaj źjaŭlajecca karotkaje zamykańnie elektrapravodki ŭ pracujučaj pralnaj mašynie.
