Prezident Ukrainy Piatro Parašenka zajaviŭ, što Kijeŭ harantuje klijentam Pryvatbanka niedatykalnaść i cełasnaść ich układaŭ.
Raniej stała viadoma, što ŭrad Ukrainy pryniaŭ rašeńnie ab nacyjanalizacyi Pryvatbanka dla zabieśpiačeńnia finansavaj stabilnaści krainy.
«Dziaržava biare na siabie adkaznaść i harantuje klijentam Pryvatbanka niedatykalnaść i cełasnaść ich hrošaj. U asnovie našaha rašeńnia — vyratavańnie banka i harantavańnie prava ŭłasnaści na svaje finansavyja resursy dla ŭsich, chto raźmiaściŭ ich u hetaj ustanovie», — skazaŭ Parašenka ŭ videazvarocie.
Pavodle słoŭ prezidenta, situacyja z Pryvatbankam pahražała nie tolki hetaj kredytnaj ustanovie, ale i ŭsioj bankaŭskaj sistemie krainy.
«Prablemy Pryvatbanka nazapašvalisia hadami. Va ŭmovach vajny i ekanamičnaha kryzisu jany jašče bolš abvastrylisia. Akcyjaniery nie znajšli resursaŭ dla vykanańnia abaviazkovaj prahramy dakapitalizacyjaj. A dziejučaja biźnies-madel, vidavočna, siabie vyčarpała», - rastłumačyŭ Parašenka.
Jon skazaŭ, što ŭ farmiravańni novaj kamandy kiraŭnikoŭ banka pryniaŭ udzieł Jeŭrapiejski bank rekanstrukcyi i raźvićcia (JEBRR).
