«Napadnik źjaŭlaŭsia siabram terarystyčnaj płyni Fietchułacha Hiulena. Usio pakazvaje mienavita na heta, pačynajučy ad atmaśfiery, u jakoj jon ros, i zakančvajučy suviaziami. Na žal, prychilniki Hiulena pratačylisia jak u šerahi US Turcyi, tak i ŭ sistemu palicyi. Zamach na pasła Rasii źjaŭlajecca tamu śviedčańniem», — skazaŭ Erdahan.
Pavodle jaho słoŭ, vyjaŭlajucca ŭsie suviazi napadnika za miažoj. «U nas jość peŭnyja začepki pa hetym pytańni. Na dadzieny momant Słužba nacyjanalnaj vyviedki, śledčyja orhany praciahvajuć pracu. Jak tolki buduć vyniki, my ich apublikujem», — paabiacaŭ Erdahan.
U Turcyi Fietchułacha Hiulena ličać idejnym natchnialnikam sproby vajennaha pieravarotu ŭ krainie ŭ lipieni hetaha hoda, a jaho arhanizacyju FETO terarystyčnaj.
Napad adbyŭsia 19 śniežnia: 22-hadovy były palicejski Mieŭlut Ałtyntaš streliŭ u ambasadara niekalki razoŭ, kali toj pramaŭlaŭ pramovu na adkryćci vystavy žyvapisu «Rasija vačami turkaŭ» u Ankary. Dypłamat pamior u špitali praź niekatory čas paśla incydentu. Napadnika zastreliła palicyja.
Apošnija chviliny žyćcia rasijskaha pasła i jaho zabojcy trapili na VIDEA
