 |
Human Rights Watch vykazvaje zakłapočanaść u suviazi z aryštami i zanadta suvorymi prysudami ŭ dačynieńni da moładzievych aktyvistaŭ, jakija prymali ŭdzieł u akcyi pratestu pradprymalnikaŭ 10 studzienia 2008 h. Pa mierkavańni pravaabaroncaŭ Andrej Kim byŭ pakarany pa palityčnych matyvach.
«Andrej Kim i asoby, jakija prachodzili ź im pa adnoj spravie, stali mišeńniu zanadta suvoraha sudovaha pieraśledu z‑za ich hramadzianskaj aktyŭnaści. My ličym, što ŭłady takim čynam pasprabavali pieraścierahčy inšych aktyvistaŭ apazycyi.»
HRW zaklikaje Ryhora Vasileviča skarystać paŭnamoctvy ŭ intaresach pierahladu kryminalnaje spravy suprać Kima dy inšych asobaŭ «pracesu 14‑ci» s ulikam harantyi prava na svabodu schodaŭ.
«Zaklikajem Vas zakryć kryminalnuju spravu ŭ adnosinach da Andreja Kima, bo jon užo byŭ pryciahnuty da administratyŭnaj adkaznaści.»
Human Rights Watch — mižnarodnaja nejtralnaja niedziaržaŭnaja pravaabarončaja arhanizacyja z adździaleńniami pa ŭsiamu śvietu.
