U dziaviatuju subotu šmattysiačnych pratestaŭ u Sieule z patrabavańniem adstaŭki paŭdniovakarejskaha prezidenta Pak Kyn Chie manifiestanty masava apranulisia ŭ kaściumy Santa-Kłaŭsa.
Pa słovach arhanizataraŭ demanstracyi, na jaje sabrałasia bolš za 550 tysiač karejcaŭ. Pratestoŭcy śpiavali: «Aryštujcie Pak nieadkładna».
Niekalki sotniaŭ maładych ludziej razdavali dzieciam padarunki i paštoŭki, pieryjadyčna skandujučy: «Dzieciam — padarunki, Pak — kajdanki».
U pačatku śniežnia paśla praciahłych pratestaŭ na fonie skandału parłamient pačaŭ praceduru impičmientu Pak Kyn Chie.
U adpaviednaści z kanstytucyjaj, prakuratura nie moža pradjavić kryminalnyja abvinavačvańni dziejnamu kiraŭniku dziaržavy, bo jon vałodaje niedatykalnaściu. U Viarchoŭnaha suda krainy zastałosia 170 dzion na toje, kab vynieści rašeńnie ab impičmiencie prezidenta.
Skandał pačaŭsia, kali ŭ ruki žurnalistaŭ patrapiŭ šerah sakretnych dakumientaŭ, uklučajučy čarnaviki 44 pramovaŭ prezidenta, z praŭkami, uniesienymi jaje pamočnicaj. Heta sparadziła čutki pra toje, što Čchvie Sun Sil, siabroŭka junactva i pamočnica Pak Kyn Chie, karystajecca svaim upłyvam na kiraŭnika dziaržavy, kab zdabyvać vyhadu i ŭpłyvać na dziaržaŭnuju palityku.
Paźniej Čchvie Sun Sil pradjavili abvinavačvańni ŭ karupcyi. Pa viersii prakuratury, jana prymušała bujny biźnies unosić achviaravańni ŭ svaje fondy. Śledstva miarkuje, što prezident viedała pra toje, što adbyvajecca, advakaty Pak Kyn Chie heta admaŭlajuć.
Rejtynh prezidenta pačaŭ chutka padać. Pak Kyn Chie dvojčy vybačyłasia, a ŭ kancy listapada vykazała hatoŭnaść syści ŭ adstaŭku. Jana praviała surjoznyja kadravyja pierastanoŭki, źmianiŭšy premjera, ministra finansaŭ, kiraŭnika svajoj administracyi i palityčnaha sakratara.
