 |
Adpaviednaje rasparadžeńnie rychtujecca na ŭzroŭni abłasnych vykanaŭčych kamitetaŭ.
Dakumient praduhledžvaje pryviadzieńnie kałodziežaŭ u naležny sanitarna‑techničny stan. U vypadkach nieabchodnaści — tam, dzie vada niedabrajakasnaja, — pavinien być arhanizavany padvoz čystaj vady dla pićcia. Akramia taho, płanujecca pašyryć prymianieńnie butyliravanaj vady ŭ dziciačych kalektyvach.
«Usio, što tyčycca pitnoj vady, — heta sapraŭdy prablema vielmi składanaja ŭ nas u krainie», — zajaviła namieśnik ministra. Pavodle jaje słoŭ, u suviazi z aktyŭnaj sielskahaspadarčaj dziejnaściu vada ŭ kałodziežach časta ŭtrymlivaje pavyšany ŭzrovień nitrataŭ, jakija sadziejničajuć raźvićciu ankałahičnych zachvorvańniaŭ. «Uličvajučy, što ŭ nas nazirajecca rost ankałahičnych zachvorvańniaŭ u krainie, nieabchodna šukać šlachi vyrašeńnia prablemy», — zaznačyła V.Kačan.
Vielmi šmat zaležyć ad samich ludziej, ich žadańnia vieści zdarovy ład žyćcia, ličyć namieśnik ministra. Na jaje dumku, pry ciapierašnim uzroŭni ekanamičnaha raźvićcia hramadzianie mohuć dazvolić sabie kuplać butyliravanuju vadu dla pićcia. U toj ža čas, zaznačyła Valancina Kačan, «varta šukać, jak zrabić butyliravanuju vadu bolš tannaj».
