Na sajcie Ministerstva ŭnutranych spraŭ apublikavany adkaz mitrapalitu Tadevušu Kandrusieviču.
Nahadajem, jon zajaviŭ, što milicyja štučna zanižaje kolkaść udzielnikaŭ kaladnych nabaženstvaŭ.
Ministerstva ŭnutranych spraŭ usio ž zrabiła pierapadlik viernikaŭ. Raniej na sajcie išła havorka pra 40 tysiač čałaviek, jakija pryniali ŭdzieł u kaladnych nabaženstvach. Ciapier ža milicyja raskazała pra 113 tysiačaŭ viernikaŭ, patłumačyŭšy, što papiaredniaja infarmacyja datyčyłasia tolki načnych nabaženstvaŭ.
Siłaviki zajavili, što padlik kolkaści hramadzian nie źjaŭlajecca abaviazkovaj dla MUS funkcyjaj.
«U metach praduchileńnia ŭ budučyni niekarektnych manipulacyj z raźmieščanaj na sajcie MUS infarmacyjaj, źviestki pra kolkaść hramadzian, jakija ŭdzielničajuć u śviatkavańni relihijnych padziej, buduć vykarystoŭvacca vyklučna ŭ słužbovych metach biez raźmiaščeńnia ŭ adkrytym dostupie», — padsumoŭvajecca ŭ adkazie milicyi.
