Raźmieščany ŭ Transilvanii les Choja-Baču, viadomy jak Biermudski trochkutnik Rumynii, zaniaŭ pieršy radok u rejtynhu «18 samych kašmarnych miescaŭ, jakija nie daduć tabie zasnuć nočču», jaki skłaŭ zabaŭlalny sajt 9gag.com.
Choja-Baču nazyvajuć rumynskim «Biermudskim trochkutnikam» z-za dziŭnaj formy jaho dreŭ i nievytłumačalnych źjaŭ. Rumynski les vyklikaŭ vialikuju cikavaść karystalnikaŭ va ŭsim śviecie — jamu pastavili «łajk» bolš za 20 tysiač čałaviek.
Nazvany les u honar pastucha, jaki źnik u im sa statkam z 200 aviečak. Jak adznačajecca, u taho, chto patrapiŭ u Choja-Baču ŭźnikaje pačućcio tryvohi, mahčymyja prystupy młosnaści i mihreni, navat vysypańni na skury. Hety rajon słavicca svaimi paranarmalnymi źjavami: NŁA, dziŭnymi hukami i śpiektralnymi sutnaściami, źniatymi na kamieru.
Druhi radok rejtynhu zajmaje francuzskaja kamuna Aradur-siur-Hłan. Raniej na tym ža samym miescy z toj ža samaj nazvaj znachodziŭsia pasiołak. Padčas Druhoj suśvietnaj nacysty daščentu spalili jaho i zabili kožnaha žychara. Pryvidy dahetul błukajuć pa kamunie.
Taksama ŭ śpis trapili i znakamityja «varoty piekła» ŭ Turkmienistanie — hazavy krater Darvaza. U 2010 hodzie prezident krainy Hurbanhuły Bierdymuchamiedaŭ rasparadziŭsia zasypać praklaty krater, ale heta daručeńnie tak i nie było vykanana.