U Hrecyi aryštavali adnu z samych šukanych terarystak 48-hadovuju Połu Rupu, paviedamlaje gazeta.ru sa spasyłkaj na «Afinskaje ahienctva navinaŭ».
Udakładniajecca, što Rupa nie akazała supracivu palicyi, ale paprasiła abaranić dzicia, jakoje było ź joj padčas zatrymańnia. Taksama była aryštavanaja žančyna, u jakoj chavałasia Rupa.
Panajota (Poła) Rupa razam z mužam Nikasam Maziocisam ŭznačalvała ciapier raspuščanuju hrečaskuju levaradykalnuju hrupoŭku «Revalucyjnaja baraćba».
Jana była zavočna asudžanaja za šerah teraktaŭ, uklučajučy abstreł pasolstva ZŠA ŭ Afinach z hranatamiota ŭ 2007 hodzie.
Nikasa Maziocisa aryštavali ŭ 2014 hodzie.
U 2016 hodzie Poła pasprabavała skraści viertalot i vyzvalić muža z turmy, ale piłot akazaŭ joj supraciŭ. U vyniku sproba ŭciokaŭ nie ŭdałasia, ale sama Rupa znoŭ zdoleła schavacca.