Izrailskaja palityčnaja raźviedka «Masad» upieršyniu abviaściła ab šyrokim nabory ŭ svaje šerahi žančyn-ahientaŭ. Adpaviednyja abjavy źjavilisia ŭ presie i na sajcie słužby, paviedamlaje VVS.
«Patrabujucca mocnyja žančyny», — kaža abjava ab najmańni, apublikavanaja ŭ mnohich izrailskich hazietach.
Na dadzieny momant u štacie «Masada» 40% žančyn-supracoŭnikaŭ, 24% ź jakich zajmajuć klučavyja kirujučyja pasady ŭ viedamstvie, adznačajuć miascovyja ŚMI.
Eks-dyrektar «Masada» Tamir Pardo adznačaŭ, što žančyny na sakretnaj słužbie zdolnyja paśpiachova vykonvać adrazu niekalki zadańniaŭ i pryhłušać svajo eha dziela dasiahnieńnia metaŭ.
«Nasupierak stereatypam, vy bačycie, što žančyny pieraŭzychodziać mužčyn u zdolnaści aryjentavacca ŭ abstanoŭcy, aceńvać situacyju… Kali jany pracujuć jak śled — značyć, jany pracujuć vielmi dobra», — adznačaŭ Pardo.
Słužba palityčnaj vyviedki była stvoranaja ŭ Izraili ŭ 1949 hodzie. Pa svaim pryznačeńni i funkcyjach jana paraŭnalnaja z amierykanskim CRU. Siońnia «Masad» ličycca adnoj z samych efiektyŭnych vyviedsłužbaŭ u śviecie.
