Hramadskaść praciahvaje abmiarkoŭvać mahčymyja źmieny ŭ zakon «Ab abaronie pravoŭ spažyŭcoŭ». Nahadajem, što ŭ ciapierašniaj situacyi rasijskaja mova na našych tavarach źjaŭlajecca abaviazkovaj, a biełaruskaja moža być dadadziena tolki pry asablivym žadańni vytvorcy.
Mnohija kampanii — «Haryzont», «Słodyč», «Biełryba», MTS, Viełkom — uchvalna vykazvalisia nakont abarony biełaruskamoŭnych spažyŭcoŭ.
Adnak nie ŭsie. Hetak, Ministerstva handlu i antymanapolnaj palityki pryviało prykład AAT «Savuškaŭ pradukt»:
«U našaha bujnoha vytvorcy małaka «Savuškavaha praduktu» ciažkija časy — nie mohuć navat dazvolić naniać dyzajniera i pierakładčyka z ruskaj na biełaruskuju movu. Kali vy chočacie pić biełaruskaje małako z butelek, na jakich napisana pa-biełarusku (razam z ruskaj, kazachskaj i inšymi movami, jakija ŭžo prysutničajuć), to davajcie razam tałakoj źbiarom hrošy na pasłuhi dyzajniera i pierakładčyka!» — napisaŭ u siabie ŭ fejsbuku Alaksandr Łapko i stvaryŭ zbor hrošaj na «Tałace».
