Paranienaja i źniasilenaja ryś pryjšła pa dapamohu da ludziej u Haradockim rajonie — ciapier žyviołu ratujuć u Viciebskim zaaparku, paviedamiła BiełTA dyrektar ustanovy Iryna Arłova.
«Samcy kala 8 miesiacaŭ. Da nas jaje pryvieźli rabotniki Haradockaj rajonnaj inśpiekcyi pryrodnych resursaŭ i achovy navakolnaha asiarodździa. Paranienuju i źniasilenuju lasnuju kotku pabačyła ranicaj žycharka vioski Vieramieŭka ŭ dvary svajoj chaty. Žyviolina ź ciažkaściu pierasoŭvałasia i žałasna miaŭkała», — patłumačyła Iryna Arłova.
Vizualny ahlad pakazaŭ pierałom zadniaj łapki, inšyja paškodžańni vyjavić pakul ciažka — ryś zanadta słabaja i abiazvodžanaja. «Ciapier my prosta sprabujem adnavić jaje arhanizm z dapamohaj vietdaktaroŭ zaaparka. Tolki niadaŭna ryś pačała reahavać, cicha rykać. Kab nie traŭmavać bolš, pakinuli jaje ŭ maim kabiniecie. Dalej budziem dziejničać u zaležnaści ad stanu žyvioliny», — dadała Iryna Arłova.
* * *
Jak stała viadoma, vyratavać ryś nie ŭdałosia.
