Tema niebiaśpieki «miakkaj biełarusizacyi» nie sychodzić sa staronak rasijskich ŚMI. Adnak upieršyniu havorka zavodzicca pra «vajennyja rašeńni», jakija «jość u zapasie ŭ Rasii».
Aŭtar čarhovaha materyjała — niejki Raman Ramanaŭ z sumnaviadomaha Lifenews (ciapier — Life). Jahony artykuł nazyvajecca «Ucioki apošniaha dyktatara».
«Siońnia ŭsio, što adbyvajecca, chutčej simptom uzmocnienaj imaviernaści raźvićcia ŭ Biełarusi svojeasablivaha varyjantu «ŭkrainskaha scenara». Inšymi słovami, Baćka zadumaŭ ucioki. Miarkujučy pa ŭsim, Alaksandr Łukašenka ŭbačyŭ mahčymaść pazbavicca ad imidžu «apošniaha dyktatara Jeŭropy», palepšyć adnosiny z Zachadam i asłabić rasijski ŭpłyŭ na svaju krainu. Voś užo niekalki hadoŭ jon mietadyčna dziejničaje mienavita ŭ hetym kirunku», — papiaredžvaje aŭtar.
Life pryvodzić niekalki prykładaŭ miakkaj biełarusizacyi, niebiaśpiečnaj dla biełaruska-rasijskich adnosinaŭ. Heta vystup Łukašenki pa-biełarusku ŭ 2014 hodzie, anansavanaje pavieličeńnie kolkaści biełaruskaj movy ŭ škołach, pavieličeńnie prysutnaści biełaruskaj movy na telebačańni i ŭ rekłamie, kryminalnyja spravy za niepavahu da biełaruskaj movy, a taksama prapahanda vyšyvanak i talerantnaje staŭleńnie da «Pahoni» i bieł-čyrvona-biełaha ściaha.
Vysnova aŭtara prostaja. Łukašenka sprabuje ŭziać ad Rasii jak maha bolš, a paśla pakinuć śfieru rasijskaha ŭpłyvu.
«I kali takija aściarohi viernyja, varta pryznać i inšy sumny fakt: my nie viedajem, što rabić ź Biełaruśsiu, kali jana i praŭda voźmie kurs na Zachad. Vidavočna, što vajennyja rašeńni ŭ zapasie jość, ale voś rašeńniaŭ, źviazanych z «miakkaj siłaj», nie nazirajecca. Što my možam supraćpastavić «miakkaj biełarusizacyi»? Voś nad čym treba dumać», — padsumoŭvaje Raman Ramanaŭ.