Pres-sakratar rasijskaha prezidenta Dźmitryj Piaskoŭ prakamientavaŭ paviedamleńni pra nibyta najaŭny ŭ rasijskich śpiecsłužbaŭ kampramat na abranaha prezidenta ZŠA Donalda Trampa. Jon nazvaŭ hetuju infarmacyju «absalutnaj kačkaj», falšyŭkaj i łuchtoj, piša VVS.
Pa słovach Piaskova, «u Kramla niama kampramatu na Trampa, infarmacyja nie adpaviadaje rečaisnaści i źjaŭlajecca ničym inšym, jak absalutnaj vydumkaj».
Pres-sakratar Pucina padkreśliŭ, što ŭ Kramla niama kampramatu i na sapiernicu Trampa na prezidenckich vybarach, Chiłary Klintan.
Apublikavanuju infarmacyju Piaskoŭ acharaktaryzavaŭ jak sprobu naškodzić adnosinam pamiž Rasijaj i ZŠA. «Kreml nie zajmajecca zboram kampramatu. Kreml, prezident zajmajecca vybudoŭvańniem adnosin z našymi zamiežnymi partniorami», — dadaŭ jon.
