«My ŭsie byli zaniepakojenyja, litaralna prylipli da teleekranaŭ i radyjopryjomnikaŭ i, zdavałasia, što ŭsio, kaniec, my nie viedali, što budzie ŭ nastupnuju chvilinu. Ale my viedali i tady, i ciapier, što pieramahčy nas niemahčyma. Nas možna časova akupavać, nas časam možna pakryŭdzić, ale pieramahčy — nielha», — skazała z nahody 26-ch uhodkaŭ 13 studzienia 1991 h. padčas adkryćcia miemaryjała ŭ LRT 12 studzienia ŭviečary prezident Litvy Dala Hrybaŭskajcie.
12 studzienia ŭviečary, kala budynka LRT byŭ adkryty miemaryjał, asnoŭny akcent jakoha — 6-mietrovy abielisk u pamiać pra achviar padziej 13 studzienia 1991 h., piša LRT. raniej na hetym miescy stajali 24 draŭlanych kryža ŭ pamiać ab zahinułych u televiežy, budynka LRT, u Miedzininkaj i niekalkich inšych epizodach 1991 hoda.
Aŭtar idei abieliska, zavieršanaha zvanom — hienieralny dyrektar LRT Aŭdrus Siaŭrusiavičus na adkryćci miemaryjała adznačyŭ, što hety pomnik — znak udziačnaści ludziam, jakija nas abaranili, i tym ludziam, jakija ŭ tuju noč pracavali na LRT i zastalisia viernyja svajoj prafiesii i krainie.
