15 studzienia Mikałaj Łukašenka naviedaŭ piramidy Hizy. Ekskursiju dla małodšaha syna kiraŭnika Biełarusi, jaki supravadžaje baćku ŭ pajezdcy pa Jehipcie, arhanizavali jehipieckija ŭłady.
Fota: ahram.org.eg
Jak paviedamlajuć miascovyja ŚMI, ekskursiju dla Mikałaja Łukašenki pravioŭ asabista hienieralny dyrektar archieałahičnaha kompleksu piramid Ašraf Mochi.
«Syn prezidenta Biełarusi byŭ vielmi zacikaŭleny ŭ tym, kab naviedać piramidy, dla taho kab ubačyć vielič cyvilizacyi faraonaŭ. Jon skazaŭ, što heta adno z cudaŭ śvietu», — raspavioŭ dyrektar.
Jon taksama paviedamiŭ, što Mikałaj Łukašenka ŭ čas ekskursii ahledzieŭ try piramidy i śfinksa. Pa słovach Ašraf Mochi, małodšy syn prezidenta Biełarusi zachoplena fatahrafavaŭ padčas ekskursii, a taksama z zadavalnieńniem i sam sfatahrafavaŭsia na fonie piramid.
Hienieralny dyrektar archieałahičnaha kompleksu piramid Ašraf Mochi i Mikałaj Łukašenka. Fota: ahram.org.eg
Nahadajem, raniej u svaim intervju junamu rasijskamu reparcioru Mikałaj Łukašenka pryznaŭsia, što jaho lubimy pradmiet - hieahrafija.