Haradockim rajonnym adździełam Śledčaha kamiteta rasśledujecca kryminalnaja sprava pa č. 2 art. 218 KK (naŭmysnaje paškodžańnie majomaści, učynienaje ahulnaniebiaśpiečnym sposabam, što paciahnuła pryčynieńnie škody ŭ bujnym pamiery) pa fakcie padpału aŭtamabila Mazda CX7 ŭ Haradku.
Jak paviedamiła aficyjny pradstaŭnik upraŭleńnia SK pa Viciebskaj vobłaści Śviatłana Sacharava, 10 studzienia 2017 hoda kala 6.30 byŭ učynieny padpał aŭtamabila Mazda CX7, jaki znachodziŭsia ŭ dvary adnaho z damoŭ pa vulicy Praletarskaj u Haradku. U vyniku ŭładalniku aŭtamabila — 42-hadovamu žycharu Haradka — naniesienaja škoda bolš čym na 6000 rubloŭ.
Padazravanaha ŭ padpale vyjavili supracoŭniki milicyi. Heta 21-hadovy žychar rajonnaha centra. Pavodle danych śledstva, napiaredadni padpału nočču jon vypivaŭ, potym kataŭsia pa horadzie na mašynie maci. Mienavita tady ŭ jaho saśpieŭ płan padpalić aŭtamabil baćki znajomaj dziaŭčyny. Padstavaj dla hetaha stała zabarona baćki, uładalnika Mazda, sustrakacca ź jaho dačkoj.
Zajechaŭšy na zapraŭku, małady čałaviek adliŭ častku bienzinu ŭ butelku, a zatym vyliŭ jaho na dach Mazda i syšoŭ.
Śledčyja praviali ahlad miesca zdareńnia, pryznačanaja kompleksnaja pažarna-techničnaja i chimičnaja ekśpiertyza, dapytany paciarpieły, praviarajecca matyŭ złačynstva, šukajucca śviedki i vidavočcy taho, što adbyłosia. U padazravanaha ŭziataje abaviazacielstva ab jaŭcy.