Nadzvyčajnaje zdareńnie adbyłosia ŭ rasijskim horadzie Bierdsku (Novasibirskaja vobłaść). Jak paviedamlajuć infarmahienctvy, pad ciažaram śniehu abrynuŭsia dach konna-spartyŭnaha kłuba «Alur», dzie dzieci z 11 hadoŭ navučajucca vierchavoj jaździe.
Pad zavałami sa śniehu i mietałakanstrukcyj apynulisia siem čałaviek, uklučajučy čatyroch dziaciej. Dvoje darosłych i dvoje padletkaŭ zmahli vybracca samastojna, astatnich vyciahnuli ratavalniki, paźniej dvoje z paciarpiełych pamierli.
Aficyjna paviedamlajecca pra dvuch zahinułych — 15-hadovaha padletka i mužčynu 45 hadoŭ. Jašče dvoje dziaciej znachodziacca ŭ balnicy ź pierałomami.
Da miesca trahiedyi nakiravanyja siły MNS i abłasnych avaryjna-vyratavalnych struktur. Stvoranyja apieratyŭnyja štaby dla likvidacyi nastupstvaŭ zdareńnia.
Pavodle infarmacyi ekstrannych słužbaŭ, płošča abvalvańnia budynka konnaha kłuba skłała kala 500 kv. m.
