Biełaruś moža ŭstupić u Suśvietnuju handlovuju arhanizacyju da kanca hoda. Pra heta paviedamiŭ staršynia Biełaruskaj handlova-pramysłovaj pałaty (BiełHPP) Uładzimir Ułachovič u prahramie «Hałoŭny efir» na telekanale «Biełaruś 1», paviedamlaje BIEŁTA.
«Zaŭsiody niaŭdziačnaja sprava nazyvać terminy, ale ja nie vyklučaju, što da kanca hetaha hoda. Vielmi chutka adbudziecca čarhovy raŭnd pieramovaŭ, ja dumaju, paśla hetaha my bolš dakładna zmožam kazać pra terminy», - skazaŭ Uładzimir Ułachovič.
«My šmat u čym užo pracujem pa pryncypach SHA, bo Jeŭrazijski ekanamičny sajuz pabudavany na tych ža pryncypach. Adzinaje, što my pavinny zrabić — heta pryniać usie pierachodnyja miery pa abaronie našych finansavych instytutaŭ, sielhasvytvorcaŭ, jak heta robicca va ŭsich krainach, jakija ŭvachodziać u SHA. A pa vialikim rachunku my pracujem na pryncypach SHA», - kanstatavaŭ kiraŭnik BiełHPP.
Na jaho dumku, vialikich barjeraŭ dla ŭstupleńnia krainy ŭ SHA zaraz nie isnuje. «Pry našym žadańni my vielmi chutka staniem členami SHA», - reziumavaŭ jon.
Delehacyja na čale ź pieršym namieśnikam ministra zamiežnych spraŭ Andrejem Jeŭdačenkam prymie ŭdzieł u raŭndzie pieramovaŭ pa dałučeńni Biełarusi da SHA 23-26 studzienia. Akramia hetaha, zapłanavana praviadzieńnie dvuchbakovych pieramovaŭ z bolš čym 10 krainami - členami arhanizacyi.
