Pra heta paviedamiŭ BiełTA namieśnik dyrektara pa ideałahičnaj pracy, kadrach i sacyjalnych pytańniach KUP «Harelektratranspart» Siarhiej Łaźko.
U jakaści piłotnaha prajekta biaspłatny dostup da internetu źjaviŭsia ŭ siami tralejbusach, jakija absłuhoŭvajuć maršrut №25 abłasnoha centra. Kab skarystacca pasłuhaj, nieabchodna padklučycca da kropki dostupu, uvieści numar mabilnaha telefona na staroncy aŭtaryzacyi i parol z atrymanaha SMS-paviedamleńnia. «Maršrut №25 prachodzić praz novyja mikrarajony, dzie žyvie šmat moładzi, tamu ŭkaranieńnie technałohii vyrašyli pačać mienavita ź jaho», — raspavioŭ Siarhiej Łaźko.
Kali pasłuha budzie zapatrabavanaja, jaje pastupova pačnuć ukaraniać i na inšych tralejbusnych maršrutach. Nastupnyja ŭ čarzie na padklučeńnie da Wi-Fi — tralejbusy, jakija absłuhoŭvajuć maršrut №20, samy praciahły ŭ horadzie.
Pastupova ŭ Homieli źjaŭlajecca ŭsio bolš miescaŭ, abstalavanych Wi-Fi. Tak, u pačatku studzienia biaspłatny dostup da internetu źjaviŭsia ŭ kinateatry imia Kalinina. Da kanca miesiaca Wi-Fi stanie dastupny taksama ŭ kinateatrach «Mir» i «Kastryčnik». A z 1 śniežnia 2016 hoda biaspłatny internet žycharam abłasnoha centra «razdaje» pieršy ŭ Biełarusi interaktyŭny prypynak.
