Błyšyny rynak źbirajucca arhanizavać u centry Hrodna, paviedamili BiełTA ŭ Hrodzienskim harvykankamie.
«U Hrodna niamała ludziej, jakija zachaplajucca kalekcyjanavańniem, mnohija majuć cikavyja zbory, jakimi hatovyja padzialicca z žycharami horada. Tamu vyrašana vyłučyć adzinaje miesca, dzie haradzienskija kalekcyjaniery zmohuć pastajanna ładzić vystavy i demanstracyi, a taksama vystaŭlać na prodaž vyraby sa svaich zboraŭ, antykvaryjat», — paviedamiła namieśnik staršyni Hrodzienskaha harvykankama Zoja Kuleša.
Papiarednie ŭ jakaści takoj univiersalnaj placoŭki dla kalekcyjanieraŭ abrany Pałac kultury tekstylščykaŭ na Savieckaj płoščy, dzie miarkujecca raźvivać i prapahandavać kalekcyjanavańnie. U ciopły čas hoda ŭ skviery kala DK chočuć pravodzić handal pa pryncypie błyšynych rynkaŭ, jakija jość u mnohich jeŭrapiejskich haradach. Ź inšaha boku źjaviacca taksama handlovyja rady ramieśnikaŭ.
«Pałac kultury i terytoryja vakoł jaho znachodzicca ŭ centry piešachodnych turystyčnych maršrutaŭ pa histaryčnym Hrodnie. Takim čynam, paznajomicca z kalekcyjami haradziencaŭ i vyrabami narodnych majstroŭ zmohuć šmatlikija turysty», — patłumačyła namieśnik staršyni harvykankama.
