Najbolšym popytam siarod biełaruskich pakupnikoŭ u 2016 hodzie karystalisia aŭtamabili francuzskaj marki Renault. Pra heta paviedamlaje rasijskaje analityčnaje ahienctva «Aŭtastat».
Letaś u Biełarusi kupili 33,6 tysiačy novych aŭtamabilaŭ — heta na 33% mienš, čym u 2015-m. Mašyny kampanii Renault zajmajuć čaćviortuju častku rynku. U absalutnych ličbach heta 8,5 tysiačy pradadzienych aŭto.
Druhoj pa papularnaści markaj u žycharoŭ Biełarusi stała kampanija Volkswagen — 5100 pradadzienych aŭto.
Trojku lidaraŭ zamykaje rasijskaja marka LADA. Letaś u našaj krainie pradadziena 2400 takich mašyn.
Uśled iduć Skoda i Nissan (pa 2,2 tysiačy).
Akramia ich, u top-10 biełaruskaha rynku siarod marak pa vynikach 2016 hoda patrapili: Hyundai (2 tysiačy) i KIA (1,9 tysiačy), japonskaja Toyota (1,4 tysiačy), rasijski GAZ (1,1 tysiačy) i kitajski Geely (0,8 tysiačy).
