Kryminalnaja sprava za kradziež raspačataja ŭ Minsku ŭ dačynieńni da turkmienskaha studenta.
Jak paviedamili ŭ Maskoŭskim RUUS Minska, u milicyju źviarnuŭsia hramadzianin Turkmienistana, student adnoj sa staličnych VNU, i raspavioŭ, što ŭ jaho źnikli 800 dalaraŭ ZŠA, jakimi jon pavinien byŭ apłacić vučobu va ŭniviersitecie.
U chodzie praviadzieńnia apieratyŭna-vyšukovych mierapryjemstvaŭ supracoŭniki milicyi vyjavili, što hrošy vykraŭ ziamlak paciarpiełaha, jaki pražyvaje ź im. Vyśvietliłasia, što jon źbiraŭsia kupić na ich bilet na samalot dadomu.
Padazravany svaju vinu pryznaŭ i hrošy pryjacielu viarnuŭ.
Kryminalnaja sprava raspačataja 29 studzienia Maskoŭskim RASK.
0
0
0
0
0
0
