Siońnia ŭ ŚMI raspaŭsiudziłasia infarmacyja sa spasyłkaj na pradstaŭnika MNS, što ŭ sacyjalnych sietkach źjaviłasia niebiaśpiečnaja siarod dziaciej hulnia «Biažy abo pamry». Vyhladaje, što ŭsio heta akazałasia fejkam.
Infarmacyju prakamientavała na svajoj staroncy ŭ fejsbuku aficyjny pradstaŭnik Śledčaha kamiteta Julija Hančarova.
«Pieryjadyčna ŭ stužcy naziraju źjavy, źviazanyja z roznymi ŭkidami nakont dziaciej. To «banda vykradalnikaŭ», jakija demanstrujuć ščaniukoŭ, to «narkatyčnaja žujka» dy inšaje. Pracuje heta jak virusnaja rekłama, heta nie sakret ni dla kaho. Siońnia niešta padobnaje ŭ nas pačałosia z papiaredžańniami nakont dziciačaj hulni «biažy ci pamry». Dyk voś, kali šyrej hladzieć: sa studzienia ad imia Departamienta adukacyi RF heta raspaŭsiudzili rassyłkaj u sacsietkach. Departamient infarmacyju abvierh. Praz paru dzion, achapiŭšy mnohija rehijony Rasii, hety ŭkid dajšoŭ da Kazachstana i tam anałahična pa łancužku pajšli zajavy», — piša Julija Hančarova.
«Siońnia heta «źjava» hetak ža virusna źjaviłasia ŭ nas. Ci adpaviadajuć rečaisnaści zajavy pra papularnaść dadzienaj «hulni» — pytańnie ŭ cełym adkrytaje. U sacyjalnych sietkach bolšaść dopisaŭ — jakraz takija zaściarohi, padobny pad kapirku, źmianiajucca tolki rehijony.
U siužecie na kazachskim TB kažuć pra papularnaść hulni, pry hetym achviar nijakich niama, na ščaście, dy i prykład pryvodzicca rasijski, hadavoj daŭniny. Pry hetym znoŭ razmovy pra toje, što baćki apaviaščajuć adzin adnaho.
Aficyjnyja kamientary buduć užo zaŭtra. A siońnia — heta infarmacyja da razvažańnia.
I tak, hałoŭnaje: my, baćki, starajemsia abierahać dziaciej zaŭsiody i ŭsiudy. Raskazvajem pra biaśpieku i pra toje, papiaredžvajem pra nastupstvy, dapamahajem dziciaci stanavicca i asobaj, i hramadzianinam,
i kłapocimsia pra toje, kab u jaho ŭ škole (sadzie), na zaniatkach sportam i h.d. usio atrymlivałasia. I, mnie zdajecca, my heta robim zaŭsiody, niezaležna ad padobnych rassyłak», — dadała Julija Hančarova.
