U dziaržaparacie nieabchodna bieśpierapynnaje kadravaje abnaŭleńnie. Ab hetym kiraŭnik dziaržavy Alaksandr Łukašenka zajaviŭ siońnia na naradzie pa aptymizacyi Administracyi prezidenta Biełarusi, paviedamlaje BiełTA.
«Maje patrabavańni da aptymizacyi dziaržaparatu niaźmiennyja. Nieabchodna bieśpierapynnaje kadravaje abnaŭleńnie. U hetaj śfiery pavinny zastacca tolki tyja, u kaho harać vočy, chto choča pracavać i prynosić karyść dziaržavie. Inšaha nie dadziena, — padkreśliŭ kiraŭnik dziaržavy. — Debiurakratyzacyja, ideałahičnaja i kadravaja palityka, ekanamičnaja ekśpiertyza, pravavy napramak u pracy prezidenta źjaŭlajucca najvažniejšymi», — padkreśliŭ kiraŭnik dziaržavy.
Łukašenka taksama zajaviŭ, što Administracyja prezidenta Biełarusi pavinna być u avanhardzie abnaŭleńnia raboty dziaržaŭnych orhanaŭ.
Jon nahadaŭ, što niekatory čas tamu pry pryznačeńni kiraŭnika i pieršaha namieśnika kiraŭnika Administracyi prezidenta była pastaŭlena zadača spakojna, razumna i biez kampaniejščyny refarmavać hetuju strukturu. «Jak hałoŭny palityčny štab kiraŭnika dziaržavy jana pavinna być u avanhardzie abnaŭleńnia raboty dziaržaŭnych orhanaŭ, staŭšy prykładam hetaha abnaŭleńnia i aptymizacyi, jakuju my pačali», — skazaŭ kiraŭnik krainy.
Pavodle jaho słoŭ, u pieršuju čarhu heta nieabchodna dla pavyšeńnia efiektyŭnaści raboty dziaržaŭnaha aparatu. «Mienšymi siłami možna i treba vyrašać zadačy na samych hałoŭnych napramkach», — padkreśliŭ biełaruski lidar.
U suviazi z hetym kiraŭnik dziaržavy jašče raz paznačyŭ asnoŭnyja patrabavańni pa aptymizacyi Administracyi. «Pa-pieršaje, vy pavinny vypracoŭvać i akumulavać samyja pieradavyja idei, jakija vielmi patrebnyja dla raźvićcia našaj dziaržavy. Časam hetych idej dastatkova ŭ našym hramadstvie. Apošniaja razmova — jakraz śviedčańnie hetamu. Administracyja pavinna stać manalitnym ekśpiertnym centram, dzie vypracoŭvajucca ŭzvažanyja rašeńni pa najvažniejšych dla krainy pytańniach. i ja čakaju ad jaje kiraŭnictva zładžanaj i vyraznaj pracy. Vy pavinny być adnoj, adzinaj kamandaj, kab viedy, dośvied i enierhija kožnaha słužyli ahulnaj spravie», — skazaŭ jon.
