U internecie źjaviłasia fota vakalista brazilskaha treš-mietał-hurtu «Sepultura» Deryka Hryna, jaki sfatahrafavaŭsia ŭ biełaruskaj sakołcy «Słuchaj svajo»:
Sprava ŭ tym, što dziaŭčyna Deryka ź Biełarusi. Jany sustrakajucca, ale pakul nie žyvuć razam. Para čas ad času sustrakajecca to ŭ Minsku, to ŭ San-Paŭłu.
Nika Śmirnova i Deryk Hryn.
Dyrektar «Symbal.by» Pavieł Biełavus daviedaŭsia, što śpiavak choča zajmieć jašče adnu biełaruskuju sakołku z podpisam «Biełaruś» kirylicaj. Kampanija ŭžo rychtuje padarunak dla Deryka.
***
Sepultura — brazilski treš-mietał hurt, ctvorany ŭ 1984 h. Za śpinoj u hurtu 13 albomaŭ, a tyražy ich kružełak pačynajucca ad 500 tysiač.
Deryk Hryn pryjšoŭ na miesca staroha vakalista ŭ 1998 h. Śpiavak naradziŭsia ŭ ZŠA. Deryk ličyć siabie prychilnikam induizmu, vieryć u reinkarnacyju dušy i ŭžo bolš za 20 hod prytrymlivajecca viehietaryjanstva.
