Servis mikrabłohaŭ Twitter pašyraje kampaniju suprać raspalvańnia nianaviści i ahresii ŭ sacyjalnaj sietcy, piša VVS.
Pavodle paviedamleńnia kampanii, Twitter budzie vyśviatlać asoby karystalnikaŭ, čyje akaŭnty byli zabłakavanyja za abraźlivyja pavodziny. Heta robicca dla taho, kab jany nie mahli stvaryć novyja akaŭnty, to bok byli nazaŭždy adłučanyja ad Twitter.
Taksama kampanija Twitter paviedamiła, što pracuje nad stvareńniem sistemy tak zvanaha «biaśpiečnaha pošuku», jakaja budzie vyklučać tvity z patencyjna adčuvalnym źmiestam. Tvity z patencyjna abraźlivym źmiestam vydalacca nie buduć, adnak sistema ich vyklučyć z vynikaŭ pošuku pa kankretnym zapycie.
Twitter taksama pracuje nad vyklučeńniem z pošuku patencyjna abraźlivych i «nizkajakasnych» abmierkavańniaŭ, jakija mała źviazanyja z zadadzienaj temaj. Hetyja abmierkavańni taksama nie buduć vydalacca, ale stanuć mienš prykmietnyja dla karystalnikaŭ.
U mai minułaha hoda Facebook, Twitter, YouTube i Microsoft padpisali kodeks pa baraćbie z ahresijaj, nianaviściu i ksienafobijaj u internecie, jaki praduhledžvaje vydaleńnie ekstremisckaha kantentu z usich zhadanych resursaŭ na praciahu sutak.
Uzhodnieny kampanijami kodeks praduhledžvaje taksama mahčymaść błakavańnia akaŭntaŭ, na jakich byli apublikavanyja pasty z ekstremisckim źmiestam.
Zhodna z kodeksam, kožnaja kampanija pavinna sfarmavać asablivuju hrupu manitorynhu patencyjna prablemnaha kantentu.
U śniežni minułaha hoda Facebook, Microsoft, Twitter i YouTube uzhadnili schiemu supracoŭnictva z metaj spynić raspaŭsiud ekstremisckich vyjaŭ i videa praz svaje sajty.
Kampanii paviedamili, što płanujuć stvaryć adzinuju bazu, jakaja budzie ŭtrymlivać «virtualnyja adbitki palcaŭ» usiaho kantentu. Z dapamohaj hetaj bazy dadzienych jany majuć namier sačyć za zahruzkaj kantentu na sajty, i ŭ vypadku źjaŭleńnia materyjałaŭ ekstremisckaha źmiestu, prybirać ich sa svaich sajtaŭ jašče da taho, jak jany pačnuć masava raspaŭsiudžvacca.
U Twitter tady zajavili, što na servisach, jakija pradstaŭlajucca kampanijaj, «niama miesca dla kantentu, jaki spryjaje teraryzmu».
