Jeŭrasajuz uviadzie biaźvizavy režym dla hramadzian Ukrainy «da leta». Pra heta zajaviŭ kiraŭnik Jeŭrakamisii Žan-Kłod Junkier, jaki znachodzicca ź vizitam u Kijevie, paśla sustrečy zz premjer-ministram Ukrainy Uładzimiram Hrojsmanam.
U svaju čarhu Hrojsman paviedamiŭ, što Jeŭrapiejski sajuz płanuje pryniać kančatkovaje rašeńnie ab admienie viz dla hramadzian Ukrainy da červienia 2017 hoda.
«Faktyčna ciapier kožny miesiac buduć adbyvacca peŭnyja techničnyja pracedury, jakija dazvolać aryjentyrovačna, ja dumaju, da červienia pa terminach vyjści na kančatkovaje rašeńnie», - skazaŭ premjer-ministr.
Ukraina, dadaŭ jon, vykanała ŭsie 44 nieabchodnyja ŭmovy dla atrymańnia biaźvizavaha režymu.
0
0
0
0
0
0
