Fota: Maksim Hučak
A hościu pa imieni Li Jen sustrakaŭ namieśnik ministra sportu i turyzmu Michaił Partnoj, paśla čaho svaje pytańni joj zadali žurnalisty.
Turystka raspaviała, što sioje-toje ŭžo viedaje pra Biełaruś — naprykład, što heta pryhožaja kraina, u jakoj žyvuć vydatnyja ludzi. Jana płanuje ŭ pieršuju čarhu ahladzieć Minsk i naviedać niekatoryja muziei. «Ja viedaju, što tut smačnaja ježa i šmat śniehu zimoj», — raspaviała Li Jen.
Jana taksama pakazała žurnalistam pašpart, dzie adsutničaje biełaruskaja viza. U Kitai jana pracuje avijadyśpietčaram.
Fota: Maksim Hučak
Jak paviedamlałasia, piacidzionny biaźvizavy režym dla hramadzian 80 krain pačaŭ dziejničać siońnia ŭ Biełarusi. Pryjechać bieź vizy mohuć hramadzianie 39 krain.
Dla hramadzian Vjetnama, Haici, Hambii, Handurasa, Indyi, Kitaja, Livana, Namibii, Samoa abaviazkovym dadatkovym patrabavańniem źjaŭlajecca najaŭnaść u dakumiencie dla vyjezdu za miažu sapraŭdnaj šmatrazovaj vizy dziaržaŭ ES abo Šenhienskaj zony z adznakaj ab ŭjeździe na ich terytoryju, a taksama avijabiletaŭ z paćviardžeńniem ŭ ich vyletu z Nacyjanalnaha aeraporta Minsk ciaham 5 dzion z daty ŭjezdu.
Biełaruś uvodzić biaźvizavy režym dla hramadzian 80 krain
