Nacyjanalny apieratar suviazi «Biełtelekam» abjaviŭ pra ŭniasieńnie źmianieńniaŭ u niekatoryja taryfy na pasłuhi. Daražej stanie dostup u internet byfly, servis interaktyŭnaha telebačańnia ZALA, a taksama mižnarodnyja telefonnyja zvanki.
Košt pasłuh źmienicca z 1 sakavika 2017 hoda. Siaredni pamier pavyšeńnia koštu składzie 9% da ŭzroŭniu taryfaŭ, jakija dziejničali ŭ 2016 hodzie. Novyja ceny apublikavanyja na sajcie kampanii.
Padaražajuć mnohija taryfy na internet byfly. Da prykładu, dla fizičnych asob «Damasied start» budzie kaštavać 14,2 rubloŭ u miesiac (+ 9,2%), «Damasied XXL» - 16,5 rubloŭ (+ 8,9%), «Damasied Ultra» - 22,5 rubloŭ (bieź źmianieńniaŭ), «Rekord 10» - 15,5 rubloŭ (+10,3%), «Rekord 25» — 20 rubloŭ (+ 9,2%).
Daražej stanuć i niekatoryja zvanki sa stacyjanarnych telefonaŭ. Da prykładu, dla fizičnych asob dzionny vyklik na numar mabilnaha apieratara budzie kaštavać 6,1 kapiejki za chvilinu (+ 8,9%), zvanok u Rasiju ci Ukrainu - 39,25 kapiejki (+ 9%).
Bolš płacić daviadziecca i niekatorym karystalnikam interaktyŭnaha telebačańnia ZALA. Da prykładu, pakiet «Premjera» budzie kaštavać 7,35 rubloŭ u miesiac (+ 8,8%). A voś štomiesiačnaja płata za pakiety «ZALA: usio ŭklučana» i «ZALA: usio ŭklučana HD» zastaniecca bieź źmien.
