Padčas Supierboŭła tenisistka Eženi Bušar napisała, što viedała, što «Atłanta» vyjhraje, na što adzin ź jaje zaŭziataraŭ adkazaŭ: «Kali «Patryjoty» vyjhrajuć, pojdziem na spatkańnie?» Jana pahadziłasia. U toj momant, kali zaviazałasia hetaja razmova, jany prajhravali «Atłancie» 18 ačkoŭ. Ale ŭ vyniku kłub Toma Bredzi pieramoh, i Bušar zastałosia tolki spytać u chłopca: «Dyk dzie ty žyvieš?»
U vyniku spatkańnie adbyłosia (Bušar paličyła, što hetaja historyja pryciahnuła tak šmat uvahi, što jana nie mahła praihnaravać svajo abiacańnie). Ščaśliŭčykam akazaŭsia student Džon Hierkie. Spačatku kanadka pieražyvała, što jon budzie jakim-niebudź dziŭnym chłopcam (bo ŭ tvitary na avatacy ŭ jaho staić nie jaho fota, a halfist Tajhier Vuds), ale ŭ vyniku była vymušana pryznać, što jon «vielmi pryjemny chłopčyk».
Naturalna, usia heta padzieja pieratvaryłasia ŭ vializnuju pijar-akcyju. Jany pajšli na baskietboł, i Bušar ledź nie ŭ žyvym efiry tranślavała ŭsio ŭ tvitary, a potym razdavała šmatlikija intervju. Ale chłopiec zastaŭsia zadavoleny.
