Aranžavy ŭzrovień niebiaśpieki z-za mocnaha vietru abvieščany 19 lutaha ŭ Biełarusi, paviedamili ŭ Hidramiecie.
Viecier budzie zachodni, paŭdniova-zachodni ŭmierany, dniom paryvisty. Pa poŭnačy respubliki čakajecca ŭzmacnieńnie vietru da 15-18 m/s. Mocny viecier prahnazujecca i 20 lutaha, nočču pa poŭnačy, dniom pa paŭnočna-zachodniaj pałovie respubliki, a taksama 21 lutaha — nočču i ranicaj na bolšaj častcy terytoryi.
U bližejšyja sutki budzie vobłačna z prajaśnieńniami. Nočču pieravažna biez apadkaŭ. Dniom, u asnoŭnym pa paŭnočnaj pałovie, prahnazujucca nievialikija apadki — mokry śnieh, doždž. Nočču i ranicaj słabyja tuman i hałalod, na asobnych učastkach daroh hałalodzica. Tempieratura pavietra nočču składzie ad minus 3 da plus 2, dniom budzie da 5 hradusaŭ ciapła.
