Kampanija Nike zapuściła ŭ Rasii matyvujučy rolik, u jakim prapahandujucca fieministyčnyja idei. U asnovie siužetu — viadomaja pieśnia «Z čaho zroblenyja našy dziaŭčatki?» («Iz čieho žie sdiełany naši dievčonki»).
Hałoŭnaja hierainia — dziaŭčynka ŭ śvietłaj sukiency — śpiavaje pieśniu sa sceny, ale raptam unosić u tekst źmieny: dziaŭčatki zroblenyja z žaleza, z pamknieńniaŭ, z voli i inšych jakaściaŭ, u jakich tradycyjna admaŭlajuć žančynam.
U roliku źnialisia viadomyja rasijskija spartsmienki, tancorki i aktrysy.
U fieministyčnaj rasijskaj supolnaści mnohija naściarožana pastavilisia da hetaha rolika, bo jon nibyta prapahanduje kaštoŭnaści, jakija mnohija žančyny daŭno padzialajuć — naprykład, zaniatki sportam. Ź inšaha boku, žančynu nibyta staviać pierad vybaram — abo być piaščotnaj i biezabaronnaj, abo mocnaj i valavoj.
