Prezident Rasii Uładzimir Pucin zapatrabavaŭ źnieści ŭsie maskoŭskija chruščoŭki i pabudavać na ich miescy novaje žyllo. Takoje rasparadžeńnie jon daŭ meru horada Siarhieju Sabianinu, paviedamlaje dni.ru.
kremlin.ru
Na sustrečy z meram Pucin padkreśliŭ, što heta adpaviadaje nastroju i čakańniam žycharoŭ Maskvy. «Mnie padajecca, što heta i było b samym pravilnym rašeńniem. Pytańnie tolki ŭ mahčymaściach stalicy, u biudžetnych mahčymaściach, u mahčymaściach pryciahnieńnia inviestaraŭ i hetak dalej», — skazaŭ Pucin, słovy jakoha pryvodziacca na sajcie kiraŭnika rasijskaj dziaržavy.
Sabianin u svaju čarhu adznačyŭ, što maskoŭskija ŭłady «davodziać da łahičnaha zaviaršeńnia» prajekty pa znosie piacipaviarchovak. Pavodle jaho słoŭ, u chodzie prahramy renavacyi žyłoha fondu było pierasielena 160 tysiač maskoŭskich siemjaŭ. «Zastalisia litaralna ličanyja adzinki damoŭ. Dumaju, što ŭ 2017-2018 hadach my całkam skončym hetuju prahramu», — dadaŭ kiraŭnik horada.
