Daśledčyki adkryli ŭ Afrycy novy vid prymataŭ — anholskaha karlikavaha hałaha ź siamiejstva hałahavych. Jahonaja hałoŭnaja admietnaja rysa — huki, jakija jon vydaje: narastajučy ščokat, za jakim idzie ščabiatańnie. Pra heta paviedamlaje gazeta.ru co spasyłkaj na časopis American Journal of Physical Anthropology.
Fota: Elena Bersacola
Usiaho było vyjaŭlena 36 asobin. Pakul navukoŭcy davoli mała viedajuć pra ich ład žyćcia i charčavańnie. Hałaha žyvuć u nieachoŭnaj zonie, lasy, u jakich jany žyvuć, znachodziacca pad pahrozaj. Anhoła aktyŭna zajmajecca lesanarychtoŭkami, tak što asiarodździe pasialeńnia hałaha moža zusim źniknuć.
Heta piaty vid prymataŭ, adkryty na terytoryi Afryki z 2000 hoda. Daśledčyki pierakananyja, što na macieryku jašče šmat nieviadomych vidaŭ. Dzikija žyvioły ŭ Anhole vyvučanyja mała — u pryvatnaści, z-za hramadzianskaj vajny, jakaja išła tut z 1970 pa 2002 hod.
