Prezident ZŠA Donald Tramp zajaviŭ pra namier pašyryć jadzierny arsienał krainy. U intervju ahienctvu Rejter Tramp skazaŭ, što ZŠA pavinny zaćvierdzić svaju jadziernuju pieravahu i nie adstavać u hetaj śfiery navat ad pryjaznych krain.
SEAN RAYFORD/GETTY IMAGES
«Heta było b vydatna, heta była b mara - nivodnaj krainy ź jadziernaj zbrojaj. Ale raz užo jano jość, to my chočam być pa hetaj častcy pieršymi», - zajaviŭ Tramp.
Da ŭstupleńnia ŭ pasadu prezidenta Tramp ŭžo vystupaŭ za toje, kab istotna pašyryć i jadzierny arsienał krainy. Jon pisaŭ, što naroščvać jadziernuju moc ZŠA treba, pakul śviet nie pačnie «ćviaroza aceńvać» jadziernuju zbroju.
U novym intervju Tramp taksama nazvaŭ «adnabakovaj» ździełku z Rasijaj pa damovie ab skaračeńni i abmiežavańni stratehičnych jadziernych uzbrajeńniaŭ (SNU-3). «My [novaja administracyja Biełaha doma] pačniem zaklučać dobryja ździełki», - paabiacaŭ jon.