Siońnia i zaŭtra ŭ Dałasie projdzie aŭkcyjon Platinum Night («Płacinavaja noč»), hałoŭnymi łotami na jakim buduć uznaharody čatyrochrazovaj alimpijskaj čempijonki Volhi Korbut i kaskadziora Ivieła Knivieła, jaki prasłaviŭsia dziakujučy šmatlikim trukam na matacykle. Arhanizatary aŭkcyjonu spadziajucca, što ahulnaja suma prodažaŭ pieravysić 10 młn dalaraŭ.
Volha Korbut asabista vystaviła na aŭkcyjon svaju šyrokuju kalekcyju ŭznaharod i značkoŭ, siarod jakich piać alimpijskich miedaloŭ ź Miunchiena-1972 i Manreala-1976, himnastyčny kupalnik, u jakim jana vystupała ŭ Łondanie ŭ 1973 hodzie, i značok majstra sportu SSSR, uručany himnastcy ŭ 1970 hodzie.
Paŭdzielničać u aŭkcyjonie praź internet na sajcie HA.com moža kožny achvotny, paviedamlaje sajt sb.by.
